«Հանրապետություն» կուսակցության նախագահ Արամ Սարգսյանը Ֆեյսբուքյան իր էջում գրել է.
« Մարտի 7-ին Ադրբեջանը պաշտոնական հաղորդագրություն է տարածել, որ նույն օրը ՀՀ ԶՈՒ ռազմական տեխնիկայի շարասյունը ՌԴ խաղաղապահների ուղեկցությամբ անցել է Ստեփանակերտ-Ղայբալիշեն-Լիսագոր ճանապարհով: Ստացվում է՝ Բաքուն ռուս խաղաղապահներին ոչ միայն չի վստահում, այլև մեղադրում է ապօրինի ռազմական տեխնիկա տեղափոխելու, կողմնակալության և տարածաշրջանում իրավիճակը լարելու մեջ։ Կարծում եմ, որ ՀՀ ԱԳՆ ոչ միայն պետք է հերքի, այլև այդ հայտարությունը հիմք ընդունելով՝ դիմի Մինսկի խմբի եռյակին և ՄԱԿ ԱԽ-ին հակամարտող կողմերի, և մասնավորապես Ադրբեջանի, վստահությունը վերականգնելու, տարածաշրջանում վտանգավոր լարվածությունը թուլացնելու նպատակով՝ ՌԴ խաղաղարարների զորախումբը ՄԱԿ-ի խաղաղապահ մանդատ ունեցող, բազմազգ խաղաղապահներով փոխարինելու խնդրով։»
