Ֆրանսիայի Սենատը (խորհրդարանի վերին պալատը) հավանություն է տվել կառավարության առաջարկած կենսաթոշակային բարեփոխմանը՝ ողջ երկրում հունվարից դրա դեմ անցկացվող բողոքի ակցիաների ֆոնին: Twitter-ում քվեարկության արդյունքները հրապարակել է հանրապետության վարչապետ Էլիզաբեթ Բորնը։
«Հարյուրավոր ժամեր տևած բանավեճից հետո Սենատն ընդունեց կենսաթոշակային բարեփոխումների տեքստը: Բարեփոխման վճռական փուլ, որը կապահովի մեր կենսաթոշակների ապագան: Մենք լիովին պատրաստ ենք նրան, որ առաջիկա օրերին կկայացվի վերջնական որոշումը», – նշել է կառավարության ղեկավարը։
Բարեփոխմանը կողմ է քվեարկել 195 սենատոր, դեմ՝ 112։
Սենատի կողմից տեքստի հաստատումից հետո Ազգային ժողովի յոթ պատգամավորներից (ստորին պալատ) և յոթ սենատորներից բաղկացած համատեղ հանձնաժողովը պետք է համաձայնեցնի բարեփոխումների նախագծի վերջնական տարբերակը, փոխանցում է ՏԱՍՍ-ը։
Հանձնաժողովի նիստը տեղի կունենա մարտի 15-ին։
