Ամենշաբաթյա ճեպազրույցի ժամանակ ՌԴ ԱԳՆ ներկայացուցիչ Մարիա Զախարովային հարց են ուղղել, թե արդյոք Ռուսաստանը պե՞տք է պաշտպանի Լեռնային Ղարաբաղը, նույնիսկ եթե Ադրբեջանը ցանկանա իր վերահսկողության տակ վերցնել նոր տարածքներ, որոնք այժմ գտնվում են խաղաղապահների վերահսկողության տակ:
«Փաստաթղթով ամրագրված որոշակի պարտավորություններ կան, տեղում որոշակի աշխատանք է տարվում: Մենք կարող ենք մեկնաբանել միայն այն, ինչ ամրագրված է, և իրականացման աստիճանը, և թե՝ ինչ է կատարվում տեղում ռուս խաղաղապահների պատասխանատվության գոտում: Ասել, թե ինչ կարող է լինել, եթե ինչ-որ բան պատահի, տվյալ դեպքում տեղին չէ, սխալ է և շատ վնասակար: Դա կհանգեցնի շահարկումների: Եթե ինչ-որ բան պատահի, ինչին պետք է արձագանքել, մենք կպատասխանենք: Հիմա ես շատ վտանգավոր եմ համարում մոդելավորմամբ զբաղվելը»,- պատասխանել է Զախարովան։
