Արսեն Թորոսյանը հաղթել է դատարանում

radar.am. ՀՀ առողջապահության նախկին նախարար, ԱԺ ՔՊ խմբակցության պատգամավոր Արսեն Թորոսյանը հաղթել է դատարանում։

Քաղտեխնոլոգ Կարեն Քոչարյանը Արսեն Թորոսյանի վերաբերյալ վիրավորական և հայհոյանքներով զուգորդված գրառում էր կատարել 2020 թվականի նոյեմբերի 23-ին։ 

Եւ ահա Երևանի ընդհանուր իրավասության դատարանը պարտավորեցրել է ներողություն խնդրել Թորոսյանից՝ իր ֆեյսբուքյան գրառման համար։ Համաձայն վճռի՝ Կարեն Քոչարյանը որպես փոխհատուցում կվճարի 300 հազար ՀՀ դրամ։

Բացի այդ, դատարանը վճռել է Կարեն Քոչարյանից հօգուտ Արսեն Թորոսյանի բռնագանձել 10.000 ՀՀ դրամ՝ որպես բավարարված հայցի մասով պետական տուրքի նախապես վճարված գումար և ևս 250.000 ՀՀ դրամ՝ որպես փաստաբանի խելամիտ վարձատրության գումար:

Դատական ակտը բողոքարկվել է վերաքննիչ ու վճռաբեկ դատարաններում, սակայն վերջիններս անփոփոխ են թողել առաջին ատյանի դատարանի վճիռը։

Քոչարյանն ավելի ուշ հեռացրել է ֆեյսբուքյան իր գրառումը։