Պետական եկամուտների կոմիտեն արտաքին տնտեսական գործունեության մասնակիցներին տեղեկացնում է, որ մաքսային հսկողության աշխատանքների պարզեցման, դյուրացման և դրա վրա ծախսվող աշխատաժամանակի նվազեցմանն ուղղված միջոցառումների շրջանակում, «Ապավեն տերմինալ» ՓԲԸ ժամանակավոր պահպանման պահեստում 2023 թ. մարտի 27-ից մեկնարկում է մաքսային հսկողության գործառնությունների մեկ վայրում իրականացման պիլոտային ծրագիրը:

Ծրագրի շրջանակում «Ապավեն տերմինալ» ՓԲԸ ժամանակավոր պահպանման պահեստ առաքված բեռների բացթողնման համար անհրաժեշտ մաքսային բոլոր գործառնությունները՝ «փաստաթղթային հսկողություն և փաստացի զննում», կիրականացվեն անմիջականորեն «Ապավեն տերմինալ» ՓԲԸ ժամանակավոր պահպանման պահեստի տարածքում՝ հատուկ այդ նպատակով կահավորված սպասարկման սրահում:

Պիլոտային ծրագրի արդյունավետ իրականացման և տնտեսվարողներին մատուցվող ծառայությունների որակի բարձրացման նպատակով կոմիտեն հորդորում է մաքսային գործառնությունների համար անհրաժեշտ վճարումները կատարել նախօրոք՝ նախքան տերմինալ այլցելելը՝ е-payment.am համակարգի միջոցով։