«ԵՄ դիտորդական առաքելությունն ունեցել է փաստաթուղթ, որը, սակայն, սահմանափակ հասանելիություն ունի», – այս մասին ԱԺ-ում տեղեկացրել է ՀՀ ԱԳ նախարար Արարատ Միրզոյանը՝ անդրադառնալով ԵՄ դիտորդական առաքելության զեկույցին։
Նրա խոսքով՝ այդ փաստաթուղթը հասանելի է միայն ԵՄ անդամ երկրներին և հրապարակային չի զեկուցվել. «Զեկույցը մեզ հասանելի չէ այնքանով, որ ի սկզբանե հրապարակային չէ։ Սա ԵՄ մի ինստիտուտի, տվյալ դեպքում՝ դիտորդական առաքելության հաշվետվությունն է իր վերադաս մարմիններին»։
