Վլադիմիր Զելենսկու գրասենյակի կայքում խնդրագիր է հայտնվել՝ պահանջելով ժամանակավորապես արգելել TikTok հավելվածը Ուկրաինայի տարածքում, միջնորդագրի հեղինակն իր նախաձեռնությունը բացատրում է նրանով, որ ռազմական գործողությունների ժամանակ «շատ քարոզչություն» է հեռարձակվում։
«Քանի որ այժմ մեծ քարոզչություն է իրականացվում «Տիկ-Տոկ»-ի տեսաերիզների միջոցով, ես առաջարկում եմ այն ամբողջությամբ փակել գոնե ուկրաինական պատերազմի ժամանակաշրջանի համար»,- գրում է խնդրագրի հեղինակը։
Փաստաթուղթը հրապարակվել է Զելենսկու կայքում մարտի 24-ին, անհրաժեշտ 25000-ից արդեն ստացել է ավելի քան 3000 ձայն, իսկ ստորագրահավաքը կտևի 90 օր։
Ավելի վաղ Մեծ Բրիտանիայի կառավարությունն արգելել էր պաշտոնյաներին օգտագործել չինական TikTok հավելվածը պաշտոնական բջջային հեռախոսներում։ Պետական աշխատողների պաշտոնական բջջային հեռախոսներում TikTok-ի օգտագործման նմանատիպ արգելք ընդունվել է Մեծ Բրիտանիայում, Նոր Զելանդիայում և ԱՄՆ մի քանի նահանգներում։ «Անվտանգության նկատառումներից ելնելով»՝ կորպորատիվ սարքերում TikTok-ի օգտագործումը կասեցնելու որոշումը կայացրել են նաև Եվրահանձնաժողովը, Եվրախորհրդարանը և ԵՄ խորհուրդը։
20:36
Օգոստոս 8, 2026
