Հայաստանում տեղակայված ԵՄ դիտորդական առաքելության ղեկավար Մարկուս Ռիտերը հայտարարել է, որ «շատ հայերի համոզմամբ՝ Ադրբեջանն այս գարնանը հարձակում կգործի, և եթե դա տեղի չունենա, ապա առաքելության գործունեությունը կհաջողվի»։
Այս մասին եվրոպացի պաշտոնյան ասել է գերմանական Deutsche Welle պարբերականին տված հարցազրույցում։
«Հայաստանում շատերի համոզմամբ՝ գարնանը Ադրբեջանը հարձակում կձեռնարկի։ Եթե դա տեղի չունենա, ուրեմն մեր առաքելությունը կարելի է հաջողված համարել»,- ասել է նա։ Ռիտերը միևնույն ժամանակ ընդգծել է, որ հնարավոր հարձակման պարագայում դիտորդական առաքելությունը չի կարող միջամտել։
«Մենք չենք կարող միջամտել, մենք ունենք միայն հեռադիտակներ և տեսախցիկներ մեր տրամադրության տակ»,- նշել է նա։ ԵՄ առաքելության ղեկավարը նշել է, որ Հայաստանում շատերը ուրախ են առաքելության ներկայության փաստով։ Նա իր խոսքում ուշադրություն է հրավիրել այն բանին, որ եվրոպացի դիտորդներն Ադրբեջանի տարածք մուտք չունեն, և նրանք հետևաբար չեն կարող հայտնաբերել հարձակման նախապատրաստվող զորքերի տեղաշարժը։
