Գյուղի մեջ պետք է այնպիսի գծանշում լինի, ոնց որ Երևանի կենտրոնում. Փաշինյան

Եթե ճանապարհի եզրին կուտակվում է ավազը, հողը, հետո ճանապարհը շուտ քանդվում է: Այս մասին Արագածոտնի մարզ կատարած այցի ժամանակ անդրադառնալով Ներքին Սասնաշեն-Մեծաձոր 9.5 կմ-անոց ճանապարհահատվածին, որը հիմնանորոգվել է Կենսական նշանակության ավտոճանապարհների բարելավման ծրագրով՝ ասել է Նիկոլ Փաշինյանը։

«Այսինքն՝ գծանշումները պետք է ժամանակին արվեն: Գծանշումները պետք է թարմ լինեն, կապ չունի՝ ճանապարհը մեկ տարվա է, 2 տարվա, թե 3 տարվա: Եթե ճանապարհ է, գծանշումը պետք է նորմալ լինի: Համատարած ամբողջ հանրապետությունում նույն խնդիրը կա: Գյուղի մեջ պետք է այնպիսի գծանշում լինի, ոնց որ Երևանի կենտրոնում: Գումարն ի՞նչ կապ ունի, եթե անում ենք գործը, պետք է մինչև վերջ անենք: Պայմանագիրը ստորագրած է, պետք է պարտադրեք, որ անեն»,- ասել է Փաշինյանը: