ՌԴ նախագահ Վլադիմիր Պուտինը պատժամիջոցների պայմաններում արդյունաբերության զարգացման պետական խորհրդի նիստում ասել է, որ Ռուսաստանի Դաշնության դեմ արևմտյան երկրների կողմից սահմանված պատժամիջոցները երկար են պահպանվելու։ Այս մասին հայտնում է ՌԻԱ «Նովոստի»-ն։
«Այստեղ ուզում եմ նշել, որ մենք բոլորս էլ գիտակցում ենք, որ պատժամիջոցները, իհարկե, երկար են պահպանվելու», – ասել է Պուտինը։
Նրա խոսքով՝ այս իրավիճակի կապակցությամբ, ներմուծվող տեխնոլոգիաների և արտադրանքի փոխարինման առաջնահերթ միջոցառումների հետ մեկտեղ, անհրաժեշտ են «երկրի ինքնիշխան զարգացման ռազմավարական նպատակներին ուղղված միջնաժամկետ և երկարաժամկետ փոխակերպումներ»։
ՌԴ նախագահը նաև ընդգծել է, որ իշխանությունները կարողացել են հասնել կայուն տնտեսական իրավիճակի՝ չնայած պատժամիջոցներին։
Նշենք, որ Ուկրաինայում Ռւոսաստանի կողմից հատուկ ռազմական գործողություն սկսելուց հետոբ Արևմուտքը կտրուկ ավելացրել է հակառուսական պատժամիջոցների ցանկը՝ դրանք տարածելով մի շարք կարևոր ոլորտների վրա:
