Երևանի քաղաքապետարանը ապրիլի 8-ին՝ ժամը 10։00-ին, քաղաքացիներին հրավիրում է «Եռաբլուր» զինվորական պանթեոնի տարածք՝ մասնակցելու ծառատունկի։
Քաղաքապետարանի ֆեյսբուքյան էջում տեղադրված գրառման մեջ նշվում է, որ նպատակն է հիմնել Արցախյան պատերազմների զոհերի հիշատակին նվիրված անտառպուրակ։
«Աշխատանքների ընթացքում կօգնեն Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի աշխատակիցները, կտրամադրվեն անհրաժեշտ պարագաները»,-նշված է հրապարակման մեջ:
