Ապրիլ 7-ին, ՀՅԴ Հայաստանի Գերագույն մարմինի ներկայացուցիչ և ԱԺ պատգամավոր Իշխան Սաղաթելյանը, ՀՅԴ Արևմտյան Ամերիկայի Կենտրոնական կոմիտեի ներկայացուցիչ Տարոն Տեր Խաչատուրյանի և անդամներ՝ Քրիս Քեոսյանի ու Լևոն Պարոնյանի հետ, այցելել է ԱՄՆ Արևմտյան հայոց թեմի Ազգային Առաջնորդարան և հանդիպում ունեցել Արևմտյան թեմի առաջնորդ՝ Գերշ. Տ. Թորգոմ Ս. Եպս. Տոնոյանի հետ: Հանդիպմանը ներկայ էին նաև Ազգ. վարչության անդամներ՝ Ջորջ Չորպաճյանը, Գալուստ Հակոբյանը և Սարգիս Թաթիկյանը. հայտնում է ԱՄՆ Արևմտյան հայոց թեմը։
Հանդիպման ընթացքում ծավալեց զրույց, որն ընդգրկել է Հայաստանի ու Արցախի ներկա իրավիճակը: Զրույցւ ընթացքում հույս հայտնեցին, որ հայությունը՝ ազգ ու հայրենիք, կկարողանան հաղթահարել նաև այս ծանր հանգրվանը, հանուն հայոց բնօրրանի ու հայ ժողովուրդի ապահով կեցության և բնականոն կյանքով ապրելու ու բարգավաճելու ամենանվիրական բաղձանքի իրականացման:
