Աշխարհում 12 ամիս շարունակ գրանցվում է պարենի գների նվազում: Այդ փաստն արձանագրել է ՄԱԿ-ի պարենի և գյուղատնտեսության կազմակերպությունը:
Փորձագետների փոխանցմամբ, վերջին շրջանում առաջին անգամ է արձանագվում պարենի գնանկում մեկ ամբողջական տարվա ընթացքում:
Ըստ պարենի և գյուղատնտեսության կազմակերպության զեկույցի՝ անցած տարվա մարտից մինչև այս տարվա փետրվար պարենի գներն ընդհանուր նվազել են 2,1 տոկոսով՝ այն բանից հետո, երբ ռուս-ուկրաինական պատերազմի մեկնարկի կաապակցությամբ մեկ տարի առաջ գնաճը հասել է 20,5 տոկոսի:
Հացահատիկի գնանկումը կազմել է 5,6 տոկոս: Դա առավել նկատելի է ցորենի պարագայում, քանի որ Սև ծովով ուկրաինական արտադրանքը փոխադրելու գործարքի կայացման արդյունքում գինն իջել է 7,1 տոկոսով:
