Ինչպես հայտնի է, Ադրբեջանի պաշտպանության նախարարությունը հայտարարել է, թե որոնում են վատ տեսանելիության պատճառով Նախիջևանի սահմանային հատվածում մոլորված իրենց 2 զինծառայողին, իսկ քիչ առաջ էլ պարզ դարձավ, որ նրանցից մեկը ձերբակալվել է ՀՀ տարածքում:
Համացանցում հայտնվել է տեսանյութ, որում երևում է՝ ինչպես է ադրբեջանցի զինծառայողներից մեկը Սիսիանի շրջանի Աշոտավան գյուղում ադրբեջաներենով խոսում տեղի բնակիչների հետ: Հատկանշական է, որ նա քաղաքացիական հագուստով է:
Ադրբեջանցին սկզբում եղել է Բնունիսում, հետո՝ հայտնաբերվել Աշոտանավան գյուղում ու շրջապատվել տեղի բնակիչներով:
Հիշեցնենք՝ ՊՆ հաղորդագրության համաձայն՝ ապրիլի 10-ին՝ ժամը 01:00-02:00-ն ընկած ժամանակահատվածում, ՀՀ տարածքում հայտնաբերվել և ձերբակալվել է Ադրբեջանի ԶՈՒ զինծառայող:
Նշվում է, որ, ըստ նրա խոսքի, իր հետ եղել է ևս մեկ զինծառայող, որի որոնողական աշխատանքները շարունակվում են:
