ՄԻՊ-ի մասին ընդդիմության կարծիքները լսելիս՝ անաչառ դիտորդի մոտ կարող է տպավորություն ստեղծվել, թե ընդդիմությունը առաջադրել էր ոչ թե Էդգար Ղազարյանի թեկնածությունը, այլ Ամալ Քլունիի։ Այս մասին ԱԺ ամբիոնից ելույթի ժամանակ ասաց իշխանական պատագամավոր Վահագն Ալեքսանյանը։
«Այն նշաձողերը, որոնք այս մարդիկ ներկայացնում են ՄԻՊ-ի համար ՝ անկողմնակալություն, կախվածության բացառում, պայքար հանուն մարդու իրավունքնրի, հանուն ազատ խոսքի, ում ասես կարելի է վերագրել, բայց ոչ այն թեկնածուին, որին ընդդիմության երկու խմբակցությունները առաջադրել էին մի ՀԿ-ի թելադրանքով, որը հենց նույն օրը ԱԺ դարապսների դիմաց կոչ էր անում վարչապետին սատարող քաղաքացիների մարմինները գլխիվայր կախել ծառերից»,- ասաց նա։
Վահագն Ալեքսանյանը նշեց, որ ընդդիմությունը դեռևս ներողություն չի խնդրել այդ հայտարարությունների համար։
