ԱՄՆ նախագահի ազգային անվտանգության հարցերով խորհրդական Ջեյք Սալիվանը երեքշաբթի օրը զրուցել է Սաուդյան Արաբիայի թագաժառանգ արքայազն Մուհամմեդ բեն Սալմանի հետ և քննարկել Իրանի՝ Եմենում պատերազմին վերջ տալուն ուղղված քայլերը. հայտնում է Սպիտակ տունը։
«Պարոն Սալիվանը և թագաժառանգ Սալմանը քննարկեցին նաև տարածաշրջանի լիցքաթափման ավելի լայն միտումները՝ միաժամանակ ընդգծելով Իրանի կողմից տարբեր սպառնալիքների հանդեպ զսպվածություն պահպանելու անհրաժեշտությունը: Պարոն Սալիվանը վերահաստատեց նախագահ Ջո Բայդենի անսասան հանձնառությունը՝ երաշխավորելու, որ Իրանը երբեք ձեռք չի բերի միջուկային զենք», – ասվում է Սպիտակ տան հայտարարության մեջ:
