«Ներսի բարդակը չի վերջանում, որովհետև այնուամենայնիվ ունի կոնկրետ ուղղորդում, և չգիտես ինչ պատահականությամբ երեկ ազատության հրապարակում միտինգ էր, և ըստ էության՝ երեկ Տեղ գյուղում պատերազմ էր գնում, և սահմանափակ քանակությամբ մեր ազգաբնակչության հետ հայտնի կերպարները, նախկին երկու վարչապետ խոսում էին իշխանությունների հրաժարականի մասին, գոնե համբերեն գործողությունները վերջանան, նոր իշխանություններին, ոնց որ իրենք են սիրում ասել, ծառերից կախելու գաղափարը սկսեն գեներացնել»,- Հանրային հեռուստաընկերության եթերում ասաց ԱԺ պատգամավոր Անդրանիկ Քոչարյանը։
Քոչարյանի խոսքով՝ անընդհատ ուղղորդող գործիչներ ու դեմքեր կան. «Սահմանային լարված իրավիճակն օգտագործում են իշխանության դեմ պայքարի տրամաբանության գործառույթ»։
