Ռուսաստանի Դաշնության նախագահ Վլադիմիր Պուտինը բարձր է գնահատել ռուսական արտադրության «Մարտահրավեր» (Вызов) ֆիլմը, որը նկարահանվել է Միջազգային տիեզերակայանում։ Նրա խոսքերը մեջբերում է ՏԱՍՍ-ը։
«Իսպաես քաղաքացիական, մարդկային արարք է կատարել շատ խորհրդանշական՝ «Մարտահրավեր» վերնագրով ֆիլմի թիմը։ Նա հրաշալի գիտակրթական ծրագիր է իրականացրել»,- ասել է Պուտինը։
Ռուսաստանի Դաշնության նախագահը նախագիծը համարում է «եզակի իրադարձություն համաշխարհային կինոյի համար»։
Ավելի վաղ ՌԴ մշակույթի նախարար Օլգա Լյուբիմովան հայտնել էր, որ ռուսական «Մարտահրավեր» ֆիլմը կցուցադրվի 20 երկրների մեծ էկրաններին։ Նա նշել էր, որ ֆիլմն էկրան կբարձրանա ապրիլի 27-ին Բահրեյնում, Եգիպտոսում, Իրաքում, Հորդանանում, Քուվեյթում, Լիբանանում, Օմանում, Պաղեստինում, Կատարում, Սաուդյան Արաբիայում, Սիրիայում, Արաբական Միացյալ Էմիրություններում (ԱՄԷ), Իրանում, Սուդանում։
Կլիմ Շիպենկոյի «Մարտահրավերը» դրաման, որը պատմում է տիեզերագնացին (Յուլյա Պերեսիլդ) փրկելու նպատակով Միջազգային տիեզերակայան մեկնած վիրաբույժի մասին, կինովարձույթում կհայտնվի ապրիլի 20-ին։ Ֆիլմում նկարահանվել է նաև օդաչու-տիեզերագնաց, Ռուսաստանի հերոս Օլեգ Նովիցկին։
Յուլյա Պերեսիլդը նաև գիրք կգրի «Մարտահրավեր» ֆիլմի նկարահանումների համար դեպի ՄՏԿ թռիչքի մասին։
