ԱԺ «Քաղաքացիական պայմանագիր» խմբակցության սյունեցի պատգամավոր Նարեկ Ղահրամանյանը կրկին համոզմունք է հայտնել, որ Զանգեզուրի պղնձամոլիբդենային կոմբինատի 57-ամյա պահնորդին սպանել է սահմանն ապօրինի հատած ադրբեջանցի զինվորականներից մեկը։
«Գուցե որոշակի գործընթացներ են պետք քննչական կոմիտեին՝ դա հաստատելու համար։ Ես ունեմ շատ հստակ ինֆորմացիա․ Հայաստանում քաղաքացիական անձի է սպանել, ո՞նց կարող է՝ իրեն մեղադրանք չառաջադրեն»,- լրագրողների հետ զրույցում նշել է Ղահրամանյանը՝ վստահություն հայտնելով, որ սպանություն գործած ադրբեջանցին պետք է դատապարտվի. «Հաստատում եմ, որ ադրբեջանցին է սպանել։ Ապացույցներ չկան՝ կլինեն, դատախազության թերացումն է, եթե ապացույց չկա»։
