Զեկույցում որևէ խոսք չկա 44-օրյա պատերազմի արդյունքում վիրավորներին տրամադրված բուժական օգնության մասին: Ես կուզեի իմանալ՝ քանի՞ վիրավոր ունենք 44-օրյա պատերազմի հետևանքով, ի՞նչ բուժական ծառայությունների անհրաժեշտություն ունեն այդ մարդիկ, և ինչքանո՞վ է նման պահանջը բավարարվել։
Այսօր ԱԺ-ում կառավարության 2021-2026 թվականների ծրագրի 2022 թվականի կատարման ընթացքի և արդյունքների վերաբերյալ զեկույցի քնարկման ժամանակ՝ դիմելով Առողջապահության նախարար Անահիտ Ավանեսյանին՝ հարցրեց «Հայաստան» խմբակցության պատգամավոր Արմենուհի Կյուրեղյանը: Ավանեսյանը պատասխանեց, որ 44-օրյա պատերազմի և դրանից հետո մարտական գործողությունների ընթացքում վիրավորված բոլոր զինծառայողները ստացել են անհրաժեշտ բուժօգնություն, ինչը շարունակական է, քանի որ կան զինծառայողներ, որոնց բուժումը երկարատև է:
