Ամերիկային ատում է ողջ աշխարհը, իսկ Եվրոպան կախված է նրանից: Այս մասին հայտարարել է Թուրքիայի ներքին գործերի նախարար Սուլեյման Սոյլուն Ստամբուլում երիտասարդների հետ հանդիպման ժամանակ, գրել է РИА Новости-ն՝ հղում անելով թուրքական Aydınlık թերթին:
«Ամերիկան շարունակում է կորցնել իր հեղինակությունը, <…> ողջ աշխարհն ատում է Ամերիկային: <…> Եվրոպան Ամերիկայի զինվորիկն է Աֆրիկայում, Աֆրիկայի բոլոր պետություններն ատում են պետություններին, որոնք իրենց շահագործում են»,- ասել է Թուրքիայի ՆԳՆ ղեկավարը։
Ըստ նրա՝ Եվրոպա հասկացություն գոյություն չունի, նրա դերը չպետք է ուռճացնել. «Կա Ամերիկա, Եվրոպան Ամերիկայի շարասյան մեջ գնացք է: Դրանում առանձնահատուկ ոչինչ չկա»։
«Եվրոպական առաջնորդներին անընդհատ վարկաբեկում են, բնակչությունը ծերանում է, Եվրոպան արտադրությունում դժվարություններ է կրում»,- նշել է Սոյլուն։
Նա ընդգծել է, որ Արեւմուտքն այլեւս ինքնիշխանություն չունի: «Նրանք այլևս չունեն նման ինքնիշխանություն, բայց փորձում են պահպանել իրենց սովորությունները: <…> Թուրքիան փոխում է պատմությունը: Այս [Թուրքիայում համապետական ընտրությունները] ընտրություններն են, որոնցով այս պատմությունն ամբողջությամբ կփոխվի: <…> Սա Թայիփ Էրդողանի ընտրությունը չէ, սա Թուրքիայի ապագա սերունդների ընտրությունն է, Թուրքիայի լիակատար անկախության ընտրությունը»,- հայտարարել է թուրք գործիչը։
