ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը կառավարության ծրագրի կատարման ընթացքի վերաբերյալ իր ելույթում հայտարարել է, թե ՀՀ-ում ձևավորվել է երկու քաղաքական հոսանք.«Մեկն այլասերում էր պետության բուն բովանդակությունը, մյուսն էլ նոր քաղաքական սերունդն է, որ ուզում է պետությունը վերադարձնել իր բնականոն ձևավորման հուն»։
Խաչատրյանը նշեց, որ խաբեբաների ժամանակ ընդդիմությունը, որպես կանոն, բաղկացած էր «հաճախորդներից, իդիոտներից, դատարկ դհոլներից․ «Մեր նվաճումը նա է, որ մեզ ընդդիմության շարքերում իդիոտներ, դատարկ դհոլներ, հաճախորդներ պետք չեն․ մենք հարգում ենք այն 200 հազար մարդկանց, որ իրենց ընտրել են»։
Խաչատրյանը նշեց, որ ինքն այն կարծիքին չէ, թե իրենք ամեն ինչ լավ են անում. «Մենք շատ լավ տեսնում ենք՝ ինչ չենք անում, ինչը չի ստացվում, ինչու չի ստացվում։ Այդ առումով մենք ականջալուր ենք, թե դուք ինչ եք ասում»։
