ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը տարակուսանք է հայտնել ընդդիմադիրների այսօրվա ակցիայի կապակցությամբ․ «Արդեն մեկ շաբաթ է՝ ԱԺ-ն ընդդիմադիր թևի հետ ոնց որ լավ գնում էր, բայց ոնց որ աչքով տվեցին, ու հոգեմետ վիճակ առաջացավ։ Էնքան խոսեցին հոգեմետ դեղերի մասին, հոգեմետ վիճակ առաջացավ, ու պարզ չի՝ ինչու»,– ասաց Անդրանիկ Քոչարյանը։
Նա հիշեցրեց, որ ընդդիմադիրները կառավարության ծրագրի կատարողականի քննարկման ժամանակ ակտիվ հարցեր էին տալիս. «Բայց ինչ-որ մարդիկ ստվերում բավարարված չէին այս ընթացքից։ Ի սկզբանե ասել էին խրամատների մասին, քոքերի մասին․․․ Այս ընթացքը ոչ մեկին ձեռք չի տալիս, որովհետև սա մեզ հնարավորություն էր տալիս համերաշխության միջավայր ստեղծել մեր երկրում»։
