LVMH հոլդինգը, որին պատկանում են Louis Vuitton և Dior ապրանքանիշերը, դարձել է առաջին եվրոպական ընկերությունը, որի շուկայական արժեքը գերազանցել է 500 միլիարդ դոլարը։ LVMH-ի արժեքին զուգահեռ աճել է նաև նրա ղեկավարի՝ աշխարհի ամենահարուստ մարդու՝ Բեռնար Առնոյի կարողությունը։
Փարիզում կայացած աճուրդում LVMH-ի բաժնետոմսերի արժեքը կազմել է 903,30 եվրո՝ ավելանալով 0,24%-ով:
Ավելի վաղ՝ ապրիլի կեսերին, LVMH-ը աշխարհի թոփ 10 խոշորագույն ընկերությունների ցանկում էր՝ առաջին եռամսյակում վաճառքների կտրուկ աճի շնորհիվ, գրում է Bloomberg-ը։ Նորաձևության տան մրցակիցը՝ Hermes International-ը, հաջորդ օրը հրապարակեց տվյալներ , որոնք ցույց էին տալիս, որ եկամուտը նույն ժամանակահատվածում աճել է 23%-ով՝ գերազանցելով վերլուծաբանների գնահատականները:
