«Ինքը պաշտպանության նախարար է եղել, և շատ հանգամանքների հետ կապված մենք հարցեր ունենք հնչեցնելու», – այսօր լրագրողների հետ զրույցում հայտարարել է Անդրանիկ Քոչարյանը՝ անդրադառնալով Դավիթ Տոնոյանի տարածած հայտարարությանը։
«Այստեղ կողմնակալության խնդիր չի։ Այդ խնդիրը կլուծվի, երբ մասնակիցները կհնչեցնեն հարցեր։ Եթե անհրաժեշտ լինի, այդ հարցերը հասանելի կլինեն բոլորին»,- ասել է Անդրանիկ Քոչարյանը։
Հիշեցմանը, որ Տոնոյանն ասել է, թե շատ հանգամանքների ծանոթ չէ, Քոչարյանը հայտարարել է, որ իր ծանոթ լինել-չլինելը կապ չունի․ «Իր պաշտոնավարման ընթացքի մասին շատ հարցերի պատասխաններ պետք է ստանանք իրենից։ Ովքեր եկել են, եկել են մեր հարցերին պատասխանելու, ոչ թե հարցեր տալու»։
