«Ըստ օդում կախված լուրերի, նաև մամուլում բազմաթիվ հրապարակումների համաձայն, թմրանյութերի տարածումն ունի առերևույթ որոշակի հովանավորչություն, իշխանական որոշակի լծակներ, կամ այդպիսին ներկայացող անձանց կողմից»,- ԱԺ արտահերթ նիստում հայտարարեց «Հայաստան» խմբակցության պատգամավոր Արծվիկ Մինասյան։
Ըստ նրա, այս տեսակետից և անձանց՝ համակարգային պայքարը պետք է վերաբերի բոլոր ուղղություններին անկախ զբաղեցրած դիրքից, դերից, ունեցած հնարավորությունից։ «Անչափահասների շրջանում, դպրոցներում, նաև զինված ուժերում, այն բոլոր ոլորտներում, որոնք մեր անվտանգության համակարգերի հետ են կապված, պատիժն ու պատասխանատվությունը շատ կոշտ պետք է լինի»,- նշեց Ա. Մինասյանը։ ԱԺ փոխնախագահ Հակոբ Արշակյանն արձագանքելով՝ առաջարկեց, որ եթե նման փաստեր կան, Արծվիկ Մինասյանը դիմի դատախազություն, ինքն էլ իր կողմից կաջակցի այդ հարցում:
Նշենք, որ իշխանական խմբակցության Վահագն Ալեքսանյանը ի պատասխան Արծվիկ Մինասյանի ելույթի նշել է.
«Ձեր պատկանող մամուլի կողմից օդում կախված լուրերին հղում մի արեք. ով էր ձեր անձանցից վերջերս հրաժարվել արյան անալիզ տալուց»
