1915 թ. ապրիլի 24-ին թուրքական ոստիկանությունը ձերբակալել և խոշտանգել է պոլսահայ 600 մտավորականի։Դրանից սկսվեց 20-րդ դարի առաջին Ցեղասպանությունը, որի ժամանակ զոհվեց 1,5 մլն հայ։
Այս մասին նշել է Կանադայի Համայնքների պալատի անդամ Ալեքսանդր Բուլերիսը խորհրդարանում՝ Հայոց Ցեղասպանության 108-ամյակին նվիրված ուղերձում, փոխանցում է infoport-ը:
«Սեպտեմբերի 15-ին Թալեաթ փաշան հեռագիր է հղել. «ավելի վաղ հաղորդվել էր, որ կառավարությունը Ջեմիեթի (Իթթիհադ) հրամանով որոշել է երկրի երեսից ջնջել Թուրքիայում բնակվող բոլոր հայերին:
Նրանք, ովքեր չեն ենթարկվում այս հրամանին, չպետք է ծառայեն ղեկավար մարմիններում:
Առանց տարբերելու կանանց, երեխաներին, հիվանդներին և տկարներին, կանգ չառնելով ամենադաժան միջոցների առջև, չլսելով խղճի ձայնը, պետք է վերջ տալ նրանց»:
Իսկ 2022 թվականի դեկտեմբերի 12-ից Ադրբեջանը շրջափակել է Ղարաբաղը Հայաստանին կապող միակ ճանապարհը, 120.000 հայ հայտնվել է մեկուսացման մեջ ՝ առանց առաջին անհրաժեշտության ապրանքների և դեղորայքի։
Միջազգային հանրությունը չպետք է անմասն մնա այս ոճրագործությունից, և մենք պետք է վերահաստատենք մեր վերաբերմունքն այս ամենի նկատմամբ այստեղ և հիմա»: