Թուրքիայի նախագահի խոսնակ Իբրահիմ Քալընն անդրադարձել է հայ-ադրբեջանական հարաբերություններին և ԼՂ հայության հիմնախնդրին։
Նա, մասնավորապես, հայտարարել է. «Եթե հայկական սփյուռքը իսկապես հոգ է տանում Հայաստանում ապրող հայերի մասին, պետք է ավելի կառուցողական ներդրում ունենա այդ գործընթացում։ Ադրբեջանն առաջարկել է նրանց կյանքի և ունեցվածքի անվտանգության մոդելը, որը մենք համարում ենք խաղաղ գործընթացի հիմնական հենասյուներից մեկը»։
Քալընը խոսելով նաև Ադրբեջանի կողմից Լաչինի միջանցքում անցակետ տեղադրելու թեմայով ասել է, որ «Ղարաբաղը Ադրբեջան է։ Խոսքն Ադրբեջանի տարածքային ամբողջականության մասին է և այստեղ այլ իմաստներ ներբերելը չի նպաստի գործընթացին»։
