Թուրքիան պարտավոր չէ հետևել ՌԴ-ի դեմ պատժամիջոցներ կիրառելուն

Թուրքիան պարտավոր չէ հետևել Ռուսաստանի դեմ պատժամիջոցներ կիրառելուն, որոնք ընդունվել են առանձին երկրների կամ միությունների կողմից, որոնց աշխատանքներին Անկարան չի մասնակցում։ Այս մասին չորեքշաբթի ТАСС-ին տված հարցազրույցում ասել է ընդդիմադիր «Լավ» կուսակցության (IYI Parti) փոխնախագահ Ահմեդ Քամիլ Էրոզանը, որը պատասխանատու է միջազգային քաղաքականության համար։

«Թուրքիան Արևմուտքի մաս է, բայց ելնելով իր սեփական սկզբունքներից՝ մեր երկիրը պարտավոր չէ ենթարկվել միջազգային կազմակերպությունների որոշումներին, որոնց որոշումների կայացման գործիքակազմին չի մասնակցում։ ԵՄ-ն է պատժամիջոցներ է կիրառել, 27-28 երկրներ նստել են բանակցությունների սեղանի շուրջ և ամեն ինչ որոշել, բայց մենք այնտեղ չենք եղել: Թուրքիայի և Ռուսաստանի համատեղ նախագծերի ապագան կախված չէ ոչ թե ուրիշների ակնկալիքներից, այլ մեր պետական որոշումներից ու նոր բանակցություններից, որոնք կարող են պահանջվել»,- ասել է թուրք քաղաքական գործիչը։

Էրոզանն ընդգծել է, որ «Թուրքիան չի կարող ողջունել ու իրականացնել այն, ինչ որոշել են ուրիշները»։ «Մենք ԵՄ անդամ չենք, մենք կապված չենք նրանց պատժամիջոցների որոշումների կայացման մեխանիզմի հետ։ Եթե ապագայում երբևէ մտնենք ԵՄ, ապա նման իրավիճակում, բնականաբար, ստիպված կլինենք կատարել։ Բայց այժմյան պայմաններում ու հաշվի առնելով մեր տարածաշրջանային իրավիճակը՝ գործում ենք այլ կերպ ու պետք է այդպես գործենք»,- ասել է «Լավ կուսակցության» (IYI Parti) փոխնախագահը։