Բոլոր նախագահները, ում կանչել ենք, եկել են, վարչապետները, բոլորը, միայն Յուրի Խաչատուրովը չի եկել:
ԱԺ-ում հայտարարել է 44-օրյա պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը․
«Անձամբ ես ըմբռնումով եմ մոտեցել, որովհետև նաև անթույլատրելի էր մեր առաջին պատերազմի բովով անցած զինվորականը ինչ-ինչ պատճառներով խուսափի գալ ու պարզ ճակատով պատասխանի բոլոր այն հարցերին, որոնց պատերի տակ չպետք է պատասխանի: Օրինակ՝ Օնիկ Գասպարյանի գալը շատ շրջադարձային էր, դրանից հետո որևէ զինվորականի մերժումը ընդունելի չէ»,-ասել է Անդրանիկ Քոչարյանը:
Նա վստահ է, որ ովքեր մինչև հիմա չեն գնացել հանձնաժողով, գնալու են․
«Դա լինի Վարդան Օսկանյանը, Տիրան Խաչատրյանը, թե Մովսես Հակոբյանը. չեն կարող չգան: Եթե չգան, նշանակում է՝ իրենք խուսափում են մի բանից, որ… չօգտվել այս հնարավորությունից՝ պարզապես անհնար է պատկերացնել», – նշել է Քոչարյանը:
