Վարչապետ Նիկոլ Փաշինյանն այսօր Ազգային ժողով – կառավարություն հարցուպատասխանի ժամանակ հայտարարեց, որ չի վախենում, երբ որ իրեն «դավաճան» են անվանում։
««Թուրք»-ի դեպքում, այո, ասել եմ՝ չեմ վիրավորվում, որովհետև չեմ կարծում, որ երբ որ ասում են՝ «թուրք», պիտի վիրավորվես, ինչպես ասում են՝ «շվեդ» կամ «գերմանացի» կամ «ռուս»։ Կամ որ մեկին ասում են՝ «հայ», ինչու՞ պիտի վիրավորվի։ Դա կուլտուրայի հարց է»,- ասաց Փաշինյանը։
«Թուրք գիտնականներ կան, որոնք այդ թվում՝ Հայոց ցեղասպանության մասին են գրել։ Այսինքն, այդ մարդկանց նկատմամբ հարգանք ունե՞նք, թե՞ չունենք։ Կամ թուրքեր կան, որոնք այլ տեսակետ և այլ կարծիք ունեն»,- ասաց նա՝ խորհրդարանում անդրադառնալով «Հայաստան» խմբակցության պատգամավոր, դաշնակցական Գեղամ Մանուկյանի հարցադրումներին։
