ԱԺ «Հայաստան» խմբակցության պատգամավոր Արծվիկ Մինասյանն, անդրադառնալով հայ-ադրբեջանական բանակցություններին, նշել է, թե անգամ Ալմա Աթայի հռչակագիրը չի որևէ ձևով ԼՂՀ-ն ներառում Ադրբեջանի մեջ։
Խոսելով առանց միջնորդների բանակցությունների մասին՝ Մինասյանն ասաց, որ Արցախում ռուսական ներկայությունը կարևորում է նաև օրվա իշխանությունը, ապա հարցրեց՝ ու՞ր է ռուսական կողմն այդ բանակցություններում, որ առարկայական ապահովի իրավունքների պաշտպանությունը, ինչու՞ չի մասնակցում պրոցեսին։
Ըստ Մինասյանի՝ Ադրբեջանի հետ որևէ ուղիղ բանակցություն դուրս է մղում միջազգային այն ձևաչափը, որը Լեռնային Ղարաբաղի խնդրի կարգավորման տեսակետից հիմնարար է․ «Դա ԵԱՀԿ Մինսկի խմբի ձևաչափն է։ Իրենց նախընտրական ծրագրում էլ սևով սպիտակի վրա դա է գրված»,- նկատեց Մինասյանը՝ նշելով, որ այն, ինչ անում է իշխանությունը, չի համապատասխանում իրենց խոստումներին և ազգային շահերին։
