Զենքի գնման հարցում թափանցիկությունը վնասել է. Ալեքսանյան

ԱԺ ՔՊ խմբակցության պատգամավոր Վահագն Ալեքսանյանն անդրադարձել է Հնդկաստանից զենք գնելու թեմային․ «Զենքի գնումների և մնացածի մասով Հայաստանը ժամանակին շատ թափանցիկ է եղել, և դա վնասել է երկրի պետական շահերին»,- ասել է նա։

Անդրադառնալով ԱԺ նախկին պատգամավոր Գայանե Աբրահամյանի՝ օրերս արած հայտարարությանը, որ ՌԴ-ն խոչընդոտում է Հնդկաստանից զենքի գնումը, նա ասել է. «Չգիտեմ՝ ինչի մասին է խոսքը, չեմ լսել նման հայտարարություն։ Բայց, առհասարակ, թե՛ մատակարարումների, թե՛ ճանապարհի տրանսպորտացիայի և մնացածի հետ կապված, փորձում ենք շատ չխոսել, չծավալվել։ Թույլ տվեք Հնդկաստանի զենքի գնումների և մնացածի մասով հանրային որևէ քննարկում չծավալել»։