«Ոչ մի ուժ չի կարողանա սեպ խրել Ադրբեջանի և Ռուսաստանի հարաբերություններում», – հայտարարել է Բաքվում ՌԴ դեսպան Միխայիլ Բոչարնիկովը։ «Կարծում եմ, որ ճիշտ ժամանակն ու վայրն է՝ վստահություն հայտնելու, որ ոչ ոք չի կարողանա սեպ խրել մեր բարիդրացիական հարաբերությունների մեջ և կանխել խոշոր տարածաշրջանային նախագծերի զարգացումը», – ասել է դեսպանը։
Դեսպանը նշել է, որ Արևմուտքը աննախադեպ ճնշում է գործադրում և պետություններին ստիպում միանալ հակառուսական պատժամիջոցներին․ «Արևմտյան երկրները ձգտում են հսկողության տակ առնել Ռուսաստանի բարեկամ երկրների ողջ առևտրաշրջանառությունը։ Արևմուտքը նպատակ ունի ապակայունացնել ողջ եվրասիական տարածաշրջանը»։
Դեսպանը հայտնել է, որ 2022 թվականին Մոսկվայի և Բաքվի միջև ապրանքաշրջանառության աճը կազմել է գրեթե 24%՝ հասնելով 3,71 միլիարդ դոլարի։
