Հինգշաբթի՝ մայիսի 18-ին, Ռուսաստանի Դաշնության պահանջով կհրավիրվի ՄԱԿ-ի Անվտանգության խորհրդի նիստ՝ քննարկելու արևմտյան երկրների կողմից Ուկրաինային զենք մատակարարելու հարցը։
Այս մասին հայտարարել է ՄԱԿ-ում Ուկրաինայի մշտական ներկայացուցիչ Սերգեյ Կիսլիցան։
«Նեբենզյան (ՄԱԿ-ում Ռուսաստանի մշտական ներկայացուցիչ Վասիլի Նեբենզյա – խմբ.)՝ պատերազմական հանցագործությունների զենք, պահանջում է այս շաբաթ հրավիրել ՄԱԿ-ի Անվտանգության խորհրդի նիստ՝ «դատապարտելու» մեր դաշնակիցների և գործընկերների կողմից Ուկրաինայի պաշտպանական ուժերին զենքի մատակարարումը»,- թվիթերյան իր էջում գրել է Կիսլիցան։
Նիստը կմեկնարկի Երևանի ժամանակով ժամը 21:00-ին:
