Թուրքիայում իշխող «Արդարություն և զարգացում» (ԱԶԿ-AKP) կուսացկության անդամ, բժիշկ, պոլսահայ համայնքի ներկայացուցիչ Սևան Սըվաջըօղլուն երկրի նորընտիր խորհրդարանում կստանա պատգամավորական մանդատ:
Այս մասին գրում է ermenihaber-ը: Ըստ թուրքական լրատվամիջոցների՝ նա հայ համայնքի միակ ներկայացուցիչն է լինելու խորհրդարանում:
Մայիսի 14-ին Թուրքիայում անցկացված համապետական ընտրություններում ԱԶԿ-ի կողմից ներկայացված ընտրացուցակում Սևան Սըվաջըօղլուն զբաղեցնում էր 9-րդ տեղը:
Հիշեցնենք, որ 2018-ի գումարման խորհրդարանում երկու հայ պատգամավոր էր ընտրվել: Նրանք էին՝ ընդդիմադիր «Ժողովուրդների դեմոկրատական» կուսակցության անդամ Գարո Փայլանը և իշխող «Արդարություն և զարգացում» կուսակցության անդամ Մարգար Եսայանը:
