Ֆրանսիայի Սենատը, հետևելով Ազգային ժողովին, հավանություն է տվել բանաձևին, որով Գոլոդոմորը ճանաչվում է որպես ուկրաինացի ժողովրդի ցեղասպանություն։ Այս մասին չորեքշաբթի՝ մայիսի 17-ին, հաղորդվում է Ֆրանսիայի խորհրդարանի վերին պալատի կայքում։ Փաստաթղթի ընդունմանը կողմ է քվեարկել 343 սենատորից 327-ը, դեմ՝ 16-ը։

Բանաձևը ընդունում է, որ 1932-1933թթ. միլիոնավոր ուկրաինացիների սովը, տեղահանությունները և մեթոդական բնաջնջումը արհեստականորեն կազմակերպվել են խորհրդային կառավարության կողմից և նպատակ են ունեցել ոչնչացնել ուկրաինական ինքնությունը։