ՀՀ կառավարությունը պատրաստվում է հավանության արժանացնել ու ԱԺ ներկայացնել «Հանրային առողջապահության մասին», «Բնակչության բժշկական օգնության և սպասարկման մասին» և մի շարք այլ օրենքներում փոփոխությունների նախագծերի փաթեթը։ Ըստ այդմ, նախագծերում առաջին անգամ ՀՀ-ում սահմանվել են հանրային առողջապահության ոլորտի հիմնական հասկացությունները, հստակեցվել են հանրային առողջապահության բնագավառում պետական մարմինների լիազորություններն ու պարտականությունները, ամրագրվել է պարտադիր պատվաստումների իրականացումն ըստ համաճարակաբանական ցուցումների։

Բացի այդ, ինչպես տեղեկանում ենք նախագծերի փաթեթի հիմնավորումներից, հստակ ձևակերպվել են սանիտարահամաճարակային անվտանգության ապահովման մի շարք պահանջներ։ Միաժամանակ նախագծով մեկտեղվել են կարանտինի տարբեր տեսակների վերաբերվող իավակարգավորումները։

Նախագիծը մշակել է ՀՀ առողջապահության նախարարությունը։