10:29 April 30, 20242023-05-18
ՄԱԿ-ին հորդորում ենք իրավիճակի գնահատման առաքելություն ուղարկել ԼՂ. ԱՄՆ ՄԶԳ ղեկավար
ԱՄՆ միջազգային զարգացման գործակալության (ՄԶԳ) ղեկավար Սամանտա Փաուերը ԱՄՆ ներկայացուցիչների պալատի արտաքին հարաբերությունների հանձնաժողովի լսումների ժամանակ անդրադարձել է Լաչինի միջանցքի շրջափակմանը։
Պատասխանելով կոնգրեսական Քրիս Սմիթի հարցին՝ արդյո՞ք ամերիկյան կողմը որևէ օգնություն հասցնում է Լեռնային Ղարաբաղ, որտեղ 120 հազար մարդիկ շարունակում են շրջափակման մեջ մնալ Ադրբեջանի կողմից, պատասխանել է. որ Լեռնային Ղարաբաղ մուտքը սահմանափակված է, իրենք տեղում ներկայացվածություն չունեն, և Լաչինի միջանցքի արգելափակումն ու անցակետի տեղադրումը սահմանափակել է առօրյա կենցաղային ապրանքների ներկրումը․ «ՄԶԳ-ն երկու գնահատման առաքելություն է ուղարկել տարածաշրջան։ Մենք հորդորել ենք ՄԱԿ-ին, որ նրանք էլ գնահատման առաքելություն ուղարկեն»։
Փաուերը նաև հավելել է, որ Լեռնային Ղարաբաղը չպետք է ստիպված լինի հույսը դնել հումանիտար շարասյուների վրա, ուստի ճանապարհի բացումը հրամայական է:
Թիվ 1
Նմանատիպ Նյութեր
