2023-05-18
300 մլն դրամ՝ երեխա ունեցող ընտանիքների բնակապահովման պետական աջակցության համար
Հայաստանի կառավարության որոշմամբ երեխա ունեցող ընտանիքների բնակապահովման պետական աջակցության ծրագրերի 2023թ․ բյուջեն համալրվեց 300 մլն դրամով:
Աշխատանքի և սոցիալական հարցերի նախարար Նարեկ Մկրտչյանը նշեց, որ ծրագիրը շարունակում է գրանցել բարձր դիմելիություն.
«Միայն ապրիլի 30-ի դրությամբ աջակցություն է ստացել 957 շահառու, վճարվել է շուրջ 643 մլն դրամ, ևս 320 շահառուի հայտ բավարարվել է, և սպասում են վճարման, որի ընդհանուր գումարը կազմում է 300 մլն դրամ»։
Վարչապետ Նիկոլ Փաշինյանն էլ հիշեցրել է, որ ծրագիրն ընդունվել է 2020 թվին․ «Ծրագիրը նրա մասին է, որ երեխայի ծննդյան դեպքում բնակարանի ձեռք բերման համար ընտանիքին ցուցաբերվում է աջակցություն։ Ընդ որում, մի քանի շերտանի ծրագիր է»։
Նմանատիպ Նյութեր