ԱԺ ՔՊ խմբակցության պատգամավոր Վիգեն Խաչատրյանն անդրադարձել է ԼՂ շուրջ ստեղծված իրավիճակին։
Նրա խոսքով՝ փորձը ցույց է տվել, որ երբ ԼՂ իշխանությունները համագործակցել են Հայաստանի իշխանությունների հետ, արդյունք եղել է.
«Երբ հակադրվել են, պրոբլեմներ են առաջացել։ Դա եղավ 1997թ., երբ Արցախը հակադրվեց Հայաստանի իշխանություններին, և մենք ստացանք այն, ինչ ունենք հիմա։ Եթե 97-ին չհակադրվեին, մենք լուծումը գտել էինք»։
Ըստ Խաչատրյանի՝ հիմա նույն իրավիճակն է. «Խնդիրը հարգալից վերաբերմունքի մեջ է։ Եթե ՀՀ իշխանությունները վճիռներ են կայացնում, նրանք պետք է փորձեն հասկանալ դրա պատճառներն ու չհակադրվել։ Եթե չեն կարող օգնել, գոնե չխանգարեն։ Կամ էլ թող ինքնուրույն լուծեն իրենց հարցերը»։
Խաչատրյանն անթույլատրելի է համարել ԼՂ պատգամավորների՝ Հայաստանին տված գնահատականները.
«Պետք է ըմբռնումով մոտենան և հակառակ քայլեր չանեն։ Ես չեմ ասում օժանդակեն, պետք է առնվազն չխանգարեն․ առնվազն։ Թե չէ՝ իրենց համար պրոբլեմներ են ստեղծում, մենք էլ փորձում ենք լուծել»։
