«Մայիս ամսից բանակցությունների դինամիկան հետևողական ու դրական բնույթ է կրում». Բայրամով

Մոսկվայում  մեկնարկել են Միրզոյան-Լավրով-Բայրամով եռակողմ բանակցությունները։ Բացման խոսքում Ադրբեջանի ԱԳ նախարար Ջեյհուն Բայրամովն ասել է.

«Նախորդ տարվա վերջից բանակցային գործընթացում որոշակի լճացում էր նկատվում, և մենք սկզբունքորեն դրական ենք գնահատում այն, որ մայիս ամսից սկսած՝ բանակցությունների դինամիկան հետևողական ու դրական բնույթ է կրում։ Արդեն հանդիպումներ են կայացել խաղաղության պայմանագրի իրականացման թիմերի մասնակցությամբ, մեր ղեկավարների հանդիպումն ու այսօրվա բանակցություններն էլ, կարծում ենք, շահեկան ու բեղուն կլինեն»։