Ադրբեջանն իրեն պահեց որպես հանցավոր պետություն։ Հրատապ անհրաժեշտություն է ագրեսորի և զոհի անունները տալը:
Այս մասին Ֆրանսիայի Ազգային ժողովի պատգամավոր Անն-Լոուրենս Պետելը գրել է «Թվիթեր»-ի իր միկրոբլգում՝ անդրադառնալով մայիսի 17-ին Ադրբեջանի սադրանքի հետևանքով հայ զինվորի մահվան փաստին:
Գրառման մեջ նաև ասված է.«Սոթքում սահմանը պաշտպանելիս 20-ամյա հայ զինծառայող է զոհվել։ Ադրբեջանը խախտել է միջազգային իրավունքը՝ կրակելով զինվորին հիվանդանոց տեղափոխող շտապօգնության մեքենայի վրա»:Հիշեցնենք՝ մայիսի 17-ին՝ ժամը 16:15-ի սահմաններում, Ադրբեջանի ԶՈՒ ստորաբաժանումները կրակ էին բացել Սոթքի ուղղությամբ տեղակայված հայկական դիրքի ուղղությամբ, ինչի հետևանքով վիրավորում էր ստացել ՀՀ ՊՆ զինծառայող:
Այնուհետև Ադրբեջանի ԶՈՒ ստորաբաժանումները կրակ էին բացել վիրավոր զինծառայողին տեղափոխող շտապօգնության մեքենայի ուղղությամբ: Շտապօգնության մեքենայի ուղղությամբ հակառակորդի բացած կրակից վիրավորում էր ստացել նաեւ բուժակը:Ավելի ուշ հայտնի էր դարձել, որ վիրավորում ստացած զինծառայողը զոհվել էր:
