«Մեծ յոթնյակի»՝ G7-ի երկրները մտադիր են սառեցված պահել Ռուսաստանի ինքնիշխան ակտիվները, քանի դեռ Մոսկվան չի փոխհատուցել Ուկրաինային հասցրած վնասը․ ասվում է հայտարարության մեջ։
G7-ի ղեկավարները պայմանավորվել են աշխատել Ռուսաստանի կողմից միջազգային ֆինանսական համակարգի օգտագործումը սահմանափակելու ուղղությամբ։ G7-ը կսահմանափակի Ռուսաստանում արդյունահանվող, վերամշակվող կամ արտադրվող ադամանդի առևտուրն ու օգտագործումը։
«Մեծ յոթնյակը» պատժամիջոցները շրջանցելու նպատակով երրորդ երկրներում ռուսական բանկերի մասնաճյուղերի օգտագործումը կանխելու միջոցներ կձեռնարկի։
