«Ռեալ եթե գնահատենք, դեռևս մեկ շաբաթ կպահանջվի մեզնից՝ կրակն ամբողջությամբ մարելու և ծուխը դադարեցնելու համար»,- հերթական գործակարգավարական խորհրդակցության ժամանակ հայտարարել է Կամո Արեյանն՝ անդրադառնալով Նուբարաշենի աղբավայրում իրականացվող հրշիջման աշխատանքներին։
«Մասնակի էր ծավալը, հետո տարածվեց ամբողջ պարագծով։ Երեկ շատ դժվար աշխատեցինք. եղանակը թույլ չտվեց։ Մոբիլիզացված են ԵԱՍՄ ընկերության ամբողջ շարժակազմը։ Վարչական շրջանների ղեկավարների աջակցությամբ մասնավոր ընկերություններից տեխնիկա է եկել»,- ավելացրել է Կամո Արեյանը։
Ըստ Արեյանի՝ պետք է այսօրվանից քննարկել հետագա քայլերը և արագ ձեռնամուխ լինել նոր աղբավայրի ծրագրի իրականացմանը։ Տիգրան Ավինյանն էլ նշեց, որ օրվա երկրորդ կեսին շրջայց կկատարի և տեղում կհասկանա, թե ինչ է կատարվում։
