ՀՀ տարածքային կառավարման և ենթակառուցվածքների նախարար Գնել Սանոսյանն ընդունել է KFW գերմանական զարգացման բանկի տնօրեն (Արևելյան Եվրոպա, Կենտրոնական Ասիա և Կովկաս) Վերոնիկա Գարսիա դել Արկոյի գլխավորած պատվիրակությանը։
Նախարարը կարևորել է KFW գերմանական զարգացման բանկի հետ համագործակցությունը, որի լավագույն դրսևորումը Կապսի ջրամբարի շինարարության մեկնարկն էր։
Վերոնիկա Գարսիա դել Արկոն իր հերթին նշել է, որ ՀՀ տարածքային կառավարման և ենթակառուցվածքների նախարարությունը KFW բանկի համար կարևորագույն գործընկեր է հանդիսանում։
Հանդիպման ժամանակ քննարկվել են էներգետիկ և ջրային ոլորտներում համատեղ իրականացվող ծրագրերի վերաբերյալ հարցեր։
