ՌԴ նախագահի մամուլի քարտուղար Դմիտրի Պեսկովը պատասխանել է լրագրողների այն հարցին, թե ինչու են Ռուսաստանի և Թուրքիայի նախագահների հարաբերություններն առանձնահատուկ բնույթ կրում․
«Պուտինը և Էրդողանը շատ լուրջ քաղաքական գործիչներ են, որոնք ունեն հսկայական քաղաքական փորձ, և որոնց բնորոշ չեն պոպուլիստական հնարքները։ Նրանք քաղաքական գործիչներ և պետական գործիչներ են, որոնք պատասխանատու են իրենց խոսքերի համար», – ընդգծել է Կրեմլի ներկայացուցիչը։
Նա հավելել է, որ երկու առաջնորդներն էլ զբաղվում են կոնկրետ հարցերով, որոնք վերաբերում են փոխշահավետ երկկողմ հարաբերություններին, ինչը կարևոր է երկու երկրների ժողովուրդների համար:
