«Թուրքիան հանդես է գալիս Հարավային Կովկասում երկարաժամկետ խաղաղության օգտին»․ Չավուշօղլու

Հարավային Կովկասի բնակիչները ցանկանում են վերջապես ապրել անվտանգության և խաղաղության մթնոլորտում։ Այս մասին հայտարարել է Թուրքիայի արտգործնախարար Մևլութ Չավուշօղլուն

«Բաքուն պատրաստ է խաղաղության և առաջարկում է համապարփակ խաղաղության պայմանագիր»,- ասել է նա՝ ընդգծելով նման համաձայնագրի քննարկման և ստորագրման կարևորությունը։

«Մենք հանդես ենք գալիս Հարավային Կովկասում երկարաժամկետ խաղաղության օգտին: Թուրքիան աջակցում է նաև Ադրբեջանի և Հայաստանի միջև ձեռնարկվելիք դրական քայլերին»,- հայտարարել է թուրք նախարարը։

Չավուշօղլուն նշել է, որ Անկարան Երևանից ակնկալում է անկեղծություն՝ խաղաղության ուղղությամբ։ Նա ընդգծել է, որ Թուրքիան միշտ մոտ է եղել և կլինի Ադրբեջանի հետ և չի հրաժարվի Բաքվին աջակցելուց։