Արցախի Ազգային ժողովում այսօր ներկայացվել են իրականացված ծախսերը

Մայիսի 24-ին հրավիրվել է Ազգային ժողովի արտադրության և արտադրական ենթակառուցվածքների հարցերի ու ֆինանսաբյուջետային և տնտեսական կառավարման հարցերի մշտական հանձնաժողովների համատեղ նիստ, որին մասնակցում էր նաև ԱԺ նախագահ Արթուր Թովմասյանը, քննարկվել են մի շարք առանցքային ոլորտների 2022 թվականի բյուջեի կատարողականի հաշվետվությունները: Այս մասին հայտնել է Արցախի Ազգային ժողովը։

«Գյուղատնտեսության ոլորտի բյուջեն նախատեսված էր 8 մլրդ 19,5 մլրդ դրամի չափով, փաստացի ծախսվել է 6 մլրդ 372 մլն դրամ: Կատարողականը կազմել է 79,5 տոկոս:

Բուսաբուծության կատարողականը 60,1 տոկոս էր, անասնաբուծությանը՝ 66,1 տոկոս:

Պատգամավորական հարցադրումները նոր մարտահրավերներին դիմագրավելու, ինքնաբավ տնտեսություն ստեղծելու վերաբերյալ էին:

Տարածքային կառավարման և ենթակառուցվածքների նախարարության բյուջեն նախատեսված էր 16 մլրդ 541 մլն դրամի չափով, փաստացի ծախսվել է 14 մլրդ 835 մլն դրամ, կատարողականը կազմել է 89,7 տոկոս:

Էներգետիկ ոլորտի բյուջեն 7 մլրդ 862 մլն դրամ էր, կատարողականեը կազմել է 90,3 տոկոս:

Տրանսպորտի ոլորտի բյուջեն 260 մլն դրամ էր, կատարողականը՝ 48 տոկոս:

Տարածքային կառավարման բյուջեն 2 մլրդ 250 մլն դրամ էր,կատարողականը ՝ 66 տոկոս:

Բնակարանային վարձի փոխհատուցմանն է ուղղորդվել 5 մլրդ դրամ, ծրագրից օգտվել է 2003 քաղաքացի:

Պատգամավորական հարցադրումները արևային էներգիայի մասնաբաժնի, ինտերնետ կապի որակի վերաբերյալ էին:

Քաղաքաշինության հատկացումները նախատեսված էին 29 մլրդ 190 մլն դրամի սահմաններում, փաստացի ծախսվել է 33 մլրդ 133 մլն դրամ, լրացուցիչ միջոցները  ուղղորդվել են քաղաքացիական պաշտպանությանը:

Տրամադրված միջոցները ուղղվել են տեղահանված բնակիչների համար բնակելի տների կառուցմանը, հրետակոծությունից տուժած և տիրազուրկ տների վերանորոգմանը, ենթակառուցվածքների զարգացմանը, սոցիալական նշանակության շինարարական աշխատանքներին:

Կադաստրի և պետական գույքի կառավարման կոմիտեի բյուջեն 1 մլրդ 69 մլն դրամ էր պլանավորած, կատարողականը կազմել է 94,8 տոկոս:

Համատեղ նիստի աշխատանքները շարունակվել են ընդմիջումից հետո:

Հաշվետվությամբ հանդես են եկել պետական կոմիտեների, հիմնադրամների ու հանձնաժողովների ղեկավարները:

Ջրային կոմիտեի բյուջեն նախատեսված էր 10 մլրդ 363 մլն դրամի սահմաններում, որից 8,8 մլրդ դրամը ծախսվել է ոռոգման համակարգի վրա: Հաշվետու տարում իրականացվել են Բադարայի ջրամբարի պատվարի կառուցման աշխատանքները :

Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի լիազորությունների իրականացման համար 2022թ տարեկան ֆինանսավորումը կատարվել է հաստատված բյուջեի 78 տոկոսով, որը կազմել է 187,1 մլն ՀՀ դրամ: Փաստացի ֆինանսավորման 89.5 տոկոսը կամ 167.5 մլն ՀՀ դրամը ուղղվել է  աշխատավարձային հոդվածին, 10.5 տոկոսը կամ 19.6 մլն ՀՀ դրամը՝ հանձնաժողովի պահպանման այլ հոդվածներին:

Համաձայն Արցախի ներդրումային հիմնադրամի տնօրեն Սևակ Հարությունյանի ներկայացրած տվյալների՝ հիմնադրամին  2022 թ.պետական բյուջեից որպես աջակցություն հատկացվել էր   3 մլրդ 980 մլն 325 հազ ՀՀ դրամ: Այն ծախսվել է ըստ առանձին ծրագրային ուղղությունների:

2022 թվականին Հիմնադրամի կողմից շարունակվել է 2020թ Արցախի Հանրապետության դեմ սանձազերծած պատերազմական գործողությունների  հետևանքով դժվար կացության մեջ հայտնված ֆիզիկական և իրավաբանական անձանց վարկային պարտավորությունների կատարմանն ուղղված պետական ֆինանսական աջակցության ծրագրի գործարկումը, որի իրականացման համար պետբյուջեից հատկացվել է 4 մլրդ 995 մլն 377 հազ ՀՀ դրամ:

Պատգամավորների հարցադրումները ժամկետանց վարկերի մասին էին:

Սեփական միջոցների, առևտրային բանկերից ստացված վարկերի և պետական բյուջեից ֆինանսավորված գումարների հաշվին գյուղի և գյուղատնտեսության աջակցության հիմնադրամը 2022թ. իրականացրել է 6 մլրդ 126 մլն 700 հազ ՀՀ դրամի աջակցություն:

Կատարողականը բոլոր ծրագրային ուղղություններով 100 տոկոս էր:

ԱՀ բնակարանային կոմիտեին պետական բյուջեից հատկացվել էր 5 մլրդ 445 մլն 940,657 հազ ՀՀ դրամ, որից փաստացի ծախսվել է 4 մլրդ 343 մլն 333, 714 հազ ՀՀ դրամ կամ 77,9 տոկոսը:

Աշխատակազմի աշխատանքները կազմակերպելու նպատակով 2022 թ. պետական բյուջեով նախատեսված 192 մլն 899,9 հազ դրամից ծախսվել է 179 մլն 3.7 հազ դրամը, տնտեսումը կազմել է 13 մլն 896,2 հազ դրամ:

Կոմիտեի միջոցները ուղղվել են պատերազմական գործողությունների հետևանքով զոհված(մահացած) կամ անհայտ բացակայող ճանաչված անձանց տեղահանված ընտանիքների համար Հայաստանի Հանրապետությունում  բնակարանային մատչելիության ապահովման նպատակով պետական աջակցությամբ տրամադրված հիփոթեքային վարկերի մասով կանխավճարի և ամենամսյա վճարների մարմանը,ինչպես նաև շահառուների կենցաղային պայմանների բարելավման նպատակով բնակտարածքի կահավորման հետ կապված գույքի և կենցաղային տեխնիկայի ձեռք բերմանը:

Արցախի Հանրապետության  բնապահպանության կոմիտեի հաստատված բյուջեն 181 մլն 827 հազ դրամ էր, որից ծախսվել է 166 մլն 13 հազ ՀՀ դրամը:

Արցախի Հանրապետության նյութական վնասների հարցերի կոմիտեի նախագահի փոխանցմամբ՝ 2022 թ. ճշտված պլանի համաձայն կոմիտեի բյուջեն կազմել է 1 մլդ 246 մլն 829 հազ ՀՀ դրամ, որից ֆինանսավորվել է 1 մլրդ 560 հազ ՀՀ դրամը: Համակարգի պահպանման ծախսերը կազմել է 88 մլն 630 հազ ՀՀ դրամ, տնտեսվել՝ 10 մլն ՀՀ դրամ:

Կոմիտեի կողմից քննարկվել և համապատասխան որոշումներ են կայացվել 2017 անհատական գործով, որի ընդհանուր գումարը կազմել է 5 մլրդ 962 մլն 375 հազ ՀՀ դրամ ՝ կանխիկ գումարի տեսքով 3 մլրդ 546 մլն 245 հազ ՀՀ դրամ, մուրհակի տեսքով՝ 2 մլրդ 416 մլն 129 հազ ՀՀ դրամ»,- ասված է հաղորդագրության մեջ: