Ռուսաստանի, Ադրբեջանի և Հայաստանի փոխվարչապետերը կհանդիպեն մեկ շաբաթից

Ռուսաստանի Դաշնության, Ադրբեջանի և Հայաստանի փոխվարչապետերը կհանդիպեն մեկ շաբաթից՝ «չլուծված խնդիրները վերացնելու համար»։

Այս մասինն Փաշինյան-Պուտին-Ալիև եռակողմ հանդիպման սկսզբում ասաց ՌԴ նախագահ Վլադիմիր Պուտինը։

Կողմերը կքննարկեն տարածաշրջանային հաղորդակցությունների ապաշրջափակման հարցը։ Ըստ ՌԴ նախագահի՝ հարցը տերմինաբանական է, այն զուտ տեխնիկական բնույթ ունի, բայց դա պետք է հիմնված լինի իրողությունների ճշգրիտ ընկալման վրա։

«Սակայն, մեր կարծիքով, դրանք հաղթահարելի խոչընդոտներ են»,- ասաց Պուտինը։

Նա նաև նշեց, որ իրավիճակը Ղարաբաղի հարցում զարգանում է կարգավորման ուղղությամբ՝ չնայած խնդիրներին։

Պուտինի խոսքից հետո կողմերն անցան բանակցությունների փակ ձևաչափին։